NAVENDA NÛÇEYAN - Li Awûstûryayê bi dehan sazî û kesan ji bo rawestandina êrîşên dewleta Tirk ên li ser Rojava û naskirina Rêveberiya Xweser bang li serokkomar, meclîs û hikûmetê kirin.

 

Li Awûstûryayê saziyên mafên mirovan, nivîskar, siyasetmedar, aktîvîst, akademîsyen, ressam û hiqûqnas jî di nav de 56 îmzevanan bang li Hikûmeta Federal a Awûstûryayê, Serokkomarê Federal û Konseya Neteweyî kirin.

 

Di bangê de wiha hate gotin: “Weke welatekî demokratîk Awûstûrya divê ji bo mafên mirovan û aştiyê helwesta xwe nîşan bide. Divê Hikûmeta Federal a Awûstûryayê kanalên xwe yên dîplomatîk bi kar bîne û Tirkiyeyê îkna bike ku dawî li şerê li dijî Rêveberiya Xweser bîne.”

 

Di bangê de êrîşên dewleta Tirk ên li ser Bakur û Rojhilatê Sûriyeyê hatin bibîrxistin û îşaret bi pêvajoya nû ya piştî hilweşîna rejîma Esad, hate kirin.

 

Êriş didomin

 

Di bangê de wiha hate gotin: “Piştî dîktatoriya 53 salan a bi sîstema îşkenceya zalimane û kuştinê, di dawiyê de dikarin vê rûpelê bigirin û destpêkek nû bikin. Lê belê ji bo Kurdên li Bakur û Rojhilatê Sûriyeyê, Ereb, Suryanî, Ermenî û gelek komên din nefes hilgirtin, wisa hêsan nîne. Di bin siya derbasbûna hikûmeta nû de, êrîşên li dijî Rêveberiya Xweser a Bakur û Rojhilatê Sûriyeyê didomin. Ev rewş tenê li Awûstûryayê na, di nûçeyên navneteweyî de jî pir kêm tê behskirin.”

 

Di daxuyaniyê de hate diyarkirin ku êrîşên dewleta Tirk ji sala 2015’an ve didomin û ev tişt hate diyarkirin: “Tirkiye, ji xeynî tiştên din hêza leşkerî bi kar tîne û dixwaze nifûza xwe ya li Sûriyeyê berfireh bike. Ji dema destpêka êrîşa Sûriyeyê û vir ve, Tirkiye ev firsend ji bo êrîşkirin û dagirkirina Rojava bi kar anî.”

 

Îmzevanan destnîşan kirin ku Serokkomarê Tirk Recep Tayyîp Erdogan gelek caran gotiye ew ê bikevin Kobanê û herêmê îlhaq bikin. Îmzevanan bal kişandin ser girîngiya bajarê Kobanê ya di têkoşîna li dijî çeteyên DAÎŞ’ê de.

 

Îmzevanan diyar kirin ku piştî êrîşên li ser Bendava Tişrîn û derdora wê, ji 8’ê Çileyê ve herî kêm 54 sivîl hatine qetilkirin û zêdeyî 240 jî birîndar bûne û wiha gotin, “Êrîşî ambûlanên ku birîndar hildigirtin jî hate kirin.”

 

Di bangê de ev yek jî hate gotin: “Tirkiye ji bo nehêle xweseriya demokratîk bê dayîna Kurdan, serî li her cure rê û rêbazê dide û vê yekê bi eşkere nîşan dide. Ji sala 2011’an dema şerê navxweyî yê Sûriyeyê destpê kirî û vir ve, li Rojava ji bo modela siyasî ya Sûriyeyê sîstemeke konfederal a demokratîk hatiye ceribandin.”

 

Di bangê de îşaret bi wê yekê kirin ku dewleta Tirk  fonên Yekîtiya Ewropayê (YE) çawa bi kar aniye.

 

Di bangê de ev yek hate gotin: “Divê em têkîliyên xwe yên bi Tirkiyeyê re, jinûve berçav derbas bikin. Bi salane li dijî Rojava, şerekî ku hiqûqa navneteweyî binpê dike dimeşîne. Her carê ji hevkarên xwe yên Rojavayî (NATO) piştgirî girt. Şermezarkirin, dorpêç û pêkanîn nîne. Niha jî bêdengiyeke zêde heye. Di meha Kanûnê de Ursula von der Leyen serdana Enqereyê kir û soz da Serokkomarê Tirkiyeyê ku 1 milyar euro fonê YE’yê bide. Ev yek ji bo rejîmeke ku ji xirakirina îstiqrara herêmê berpirsyar e, tê wateya piştgiriyeke malî ya mezin.”

 

Di bangê de ev yek jî hate ragihandin: “Di demeke ku tengasiyên jeopolîtîk zêde bûne de, civaka navneteweyî berpirsyar e ku ji bo bidawîbûna şer alîkariyê bide û sînyaleke ji bo aştiyê bişîne. Weke parçeyekî Yekîtiya Ewropayê û hiqûqa navneteweyî, Awûstûrya divê polîtîkaya diyalogê û kêmkirina tengasiyê biparêze. Lê belê ji bo vê yekê, divê xwe weke aktorekî siyaseta navneteweyî jî bibîne.”

 

Îmzevanan ev bang kirin:

 

*Divê êrîşên Tirkan ên li ser Bakur û Rojhilatê Sûriyeyê, demildest bên rawestandin!

 

*Divê nifûsa siyasî û binesaziya jiyanî were parastin!

 

*Divê ji bo Rêveberiya Xweser a Bakur û Rojhilatê Sûriyeyê li herêmê weke aktorekî girîng bê naskirin û ji bo Sûriyeke demokratîk û yekgirtî di serî de QSD û HTŞ, di navbera hêzên din de jî diyalog were çêkirin û muzakere bên teşwîqkirin.

 

*Divê sûcên şer ên Tirkiyeyê ji aliyê dadgerê navneteweyî ve bi rengekî serbixwe were lêpirsînkirin!

 

*Ji bo Rojava alîkariya mirovî ya lezgîn!

 

Saziyên îmzevan:

 

Feykom – Konseya Civaka Kurd a Awûstûrya

 

YXK – Komeleya Xwendekarên Kurdistanê

 

SJ – Ciwanên Sosyalîst

 

VSSTÖ – Yekîtiya Xwendekarên Sosyalîst ên li Awûstûryayê

 

Nifşê Ciwanan a Partiya Sosyal Demokrat a Awûstûrya (SPÖ)

 

ÎMZEVAN

 

Alexia Stuefer, parêzer

 

Alicia Allgäuer, siyasetmedar

 

Andreas Schieder, ji Parlamentoya Ewropayê ya SPÖ,

 

Alexander Ackerl, Nifşê Ciwan ê SPÖ

 

Arash T. Riahi, derhêner

 

Barbara Steiner, ji Dîrektoriya Weqfa Bauhaus Dessau

 

Berivan Aslan, Partiya Keskan, Endama Konseya Neteweyî

 

Cappar Hajo, ji Dîrektoriya Akademiya Perwerdeyê ya Viyana

 

Christine Tragler, ji Derhêneriya Weşana Giştî ya Kovara Südwind

 

Denice Bourbon, ji hunermendiya performans

 

Didi Zach, ji Berdevkiya KPÖ Viyana

 

Dilovan Shekho, ji Serokatiya Federal a Teyrên Sor

 

Doron Rabinovici, nivîskar

 

Elke Kahr, Ji Şaredariya Graz Belediye

 

Ernst Woller, Serokatiya Yekemîn a Parlamentoya Eyaleta Viyana

 

Fred Turnheim, rojnamevan

 

Frederike Neuner

 

Fritz Hausjell, ji zanyariya medyayê

 

Gabriel Kielhorn, derhêner

 

Gabriele Schmid, siyasetmedar

 

Gerhart Ruiss, nivîskar û weşanger

 

Gelinde Grünn, ji endamtiya meclîsa herêmî ya Partiya Komunîst a Awûstûrya (KPÖ) a Linz

 

Günther Hopfgartner, Serokatiya Giştî ya KPÖ Genel Başkanı

 

Heidemarie Sequenz, Ji meclîsa Şaredariya Viyana ya Partiya Keskan û Parlamentoya Eyaletê

 

Julian Krimmer, Nifşê Ciwan SPÖ

 

Katerina Anastasiou, ji berdevkiya federal a KPÖ

 

Katharina Mückstein, derhêner

 

Katharina Brizic, zimanzan

 

Katrin Auer, ji Konseya Neteweyî

 

Kenan Doğan Güngör, sosyolog

 

Lluís Lipp, Ji Têkîliyên Sazî û Rêveberiya Projeyê Şêwirmend

 

Marion Wisinger, Ji Serokatiya Forûma Mafên Mirovan û Demokrasiyê ya Viyana

 

Max Zirngast, ji endamtiya Meclîsa Şaredariya Graz a KPÖ

 

Meri Disoski, Partiya Keskan, Berdevktiya Polîtîkaya Derve

 

Michael Kögl, Serokê Nifşê Ciwan a Federal a SPÖ

 

Mireille Ngosso, Ji Meclîsa şaredariya Viyana ya SPÖ û endamtiya Parlamentoya Eyalet

 

Naif Bezwan, Ji Enstîtuya Mafên Mirovan a Ludwig Boltzmann

 

Niki Kunrath, Partiya Keskan, endamtiya Parlamentoya Eyaleta Viyana

 

Paul Stich, Serokê Ciwanên Sosyalist

 

Peter Pilz, siyasetmedarê berê û rojnamevan

 

Petra Bayr, Ji Berdevktiya polîtîkaya derve ya SPÖ

 

Rainer Hackauf, KPÖ Viyana, dîrokzan

 

Robert Krotzer, Endamê Meclîsa Şaredariyê yê ji Tenduristiyê Berpirsyar a Graz

 

Şafak Akçay, ji meclîsa şaredariya SPÖ Viyana û Endamtiya Parlamentoya Eyaletê

 

Salah Ammo, müzikjen

 

Saya Ahmed, ji endamtiya Meclîsa navçeya Alsergrund a Viyana

 

Selma Schacht, KOMintern, Endamtiya Odeya Karkeran

 

Shams Asadi, Ji Komîseriya Mafên Mirovan a Şaredariya Viyana

 

Stefanie Sargnagel, nivîskar

 

Thomas Schmidinger, siyasetmedar

 

Thomas Rammerstorfer, Endamtiya Meclîsa Keskan a Şaredariya Wels

 

Tobias Schweiger, Ji Berdevktiya Federal a KPÖ

 

Veronika Johanna König, muzîkjen

 

Waltraud Fritz, Sekreteriya Partiya Siyasî ya Çep a Ewropa

 

SOS Mafên Mirovan a Awûstûrya

 

Volkshilfe Wien