Li Amarayê rojbûna Abdullah Ocalan hat pîrozkirin
- 18:09 4 Nîsan 2025
- Rojane
RIHA - Piştî meşa ji Xelfetiyê ber bi Amarayê ve, li mala ku Abdullah Ocalan lê hat dinê prîozbahî hat lidarxistin.
Li navçeya Xelfetî ya Rihayê, çalakiyên bi boneya 76'emîn rojbûna Rêberê Gelê Kurd Abdullah Ocalan didomin. Piştî meşa ku bi pêşengiya jinan ber bi gundê Amarayê ve hat lidarxistin, li hewşa mala ku Abdullah Ocalan lê çêbûye, pîrozbahiya 4'ê Nîsanê hat lidarxistin.
Nûnerên partiyên siyasî û rêxistinên civaka demokratik jî di nav de, gelek kes beşdarî pîrozbahiyê bûn.
Welatiyên hatin Amarayê posterê mezin a Rêberê Gelê Kurd Abdullah Ocalan li pêş malê daliqandin.