![](/staticfiles/news/213291/2023/06/22/823x463cc-22-06-2023-sersaxi-sazi.jpg)
Nûnerên partî û rêxistinên Başûr çûn sersaxiya Rêveberiya Xweser
- 12:36 22 Hezîran 2023
- Rojane
NAVENDA NÛÇEYAN - Nûnerên gelek partî û rêxistinên Başûr serdana Nûnertiya Rêveberiya Xweser a Bakur û Rojhilatê Sûriyeyê ya li Başûrê Kurdistanê kirin û ji ber qetilkirina Hevseroka Kantona Qamişloyê Yusra Derwêş, alîkarê wê Leyman Şiwêş û ajovan Firat Tûma sersaxî xwestin.
Li Nûnertiya Rêveberiya Xweser a Bakur û Rojhilatê Sûriyeyê ya li Başûrê Kurdistanê ji bo Hevseroka Kantona Qamişloyê Yusra Derwêş, alîkarê wê Leyman Şiwêş û ajovan Firat Tûma di encama êrîşa balafirên bê mirov ên bi çek ên dewleta tirk de jiyana xwe ji dest dan, sersaxî tê qebûlkirin.
Saet di 10:00 de li nûnertiyê bi amadebûna Nûnerên Rêveberiya Xweser, Kongra Star û PYD’ê sersaxî hate qebûlkirin.
Bi rêzê ve nûnerên partî û rêxistinên Başûr ên weke; Tevgera Azadî, Komîteya Malbatên Şehîdan a PKK’ê ya Başûr, Rêxistinên Rojhilat ên jinan, Zehmetkêşan, Bereya Piştevaniya Rojava, Partiya Pêşver û a Demokratîk a Kurd a Sûriye û kesayetên naskirî weke Mihemed Emîn Pêncewînî, Rojnamevan û Nivîskar Letîf Fatîh Ferc û gelek kesên din serdana Rêveberiya Xweser a Bakur û Rojhilatê Sûriyeyê da û sersaxî xwestin.
Sersaxî heta saet 16:00’na dewam e.