Li Brukselê li dijî êrişan çalakî hat lidarxistin
- 10:27 22 Hezîran 2023
- Rojane
NAVENDA NÛÇEYAN - Êrîşa dewleta tirk a li ser rêveberên Kantona Qamişloyê, li paytexta Belçîkayê Brukselê hate şermezarkirin.
Êvara çarşemê saet di 19:00 de bi dehan kes li ber gara trenê ya navendî ya Brukselê li hev kom bûn û dewleta tirk şermezar kirin.
Di êrîşa dewleta tirk a 20'ê Hezîranê de Hevseroka Kantona Qamişloyê Yûsra Derwêş, alîkara wê Leyman Şiwêş û Firat Tûma hatin qetilkirin.
Di çalakiyê de pankartek ji wêneyên hersê cangoriyan hate hildan û dirûşmên "Terorîst Erdogan", "Dîktator Erdogan" û "Şehîd namirin" hatin berzkirin.
Di çalakiyê de her wiha alên Rêveberiya Xweser a Bakur û Rojhilatê Sûriyeyê, Partiya Yekîtiya Demokratîk (PYD), YPG, YPJ, Partiya Azadiyê ya Mezopotamyayê (MOP) û saziyên Êzidiyan hatin hildan.
Çalakgeran êrîşên dewleta tirk û bêdengiya civaka navneteweyî şermezar kirin.