Zeynep Durgut

 

AMED - Parêzera Fîgen Yuksekdag Ezgî Gûngor got: "Dadgeha Alîkariyê ya 16' emîn a Enqereyê diyar kir ku tu delîl û sedemek berbiçav nehat nîşandan û daxwazên me red kir. Li dijî vê redkirinê me serî li dadgehek bilind da. Dadgeha Cezayê Giran a 17'emîn a Enqereyê biryar da ku îtiraza me di 22'ê Avrêlê de ji bo ku Fîgen Yuksekdag bê berdan kirî red kir û girtina Fîgenê hiqûqî dît.”

 

 

Li seranserî cîhanê li gel belavbûna vîrûsa koronayê bi hezaran mirovan jiyana xwe ji dest da û bi milyonan kes jî bi vîrusê ketin. Li gel tedbîrên ku divê bên girtin ev tedbir pêkanîna wan li girtîgehan ne mumkun e. Ev rewş li gelek welatan bû sedema valakirina girtîgehan. Lê li Tirkiyeyê  guhertinek pêk Nehat. Dewlet di qanûna înfazê ya nû de, ji bilî girtiyên siyasî, hema hema hemû girtiyên edî berdan. Li dijï vê qanûnê bertek jî zêde dibin. Parêzera Hevseroka Giştî ya bere ya Partiya Demokratîk a Gelan (HDP), Fîgen Yûksekdagê Ezgî Gungor,  destenîşan kir ku rewşa li girtîgehan her ku diçe girantir dibe û got ku Çaglar Demîrel bi hevdîtina li ser telefonê diyar kir ku li gel valakirina girtîgehên vekirî ji wan re xwarin nayê dayîn.  Di vê hefteyê de ji xeynî şorbeyê zêdetir tiştek din nedane wan û got ku dan  ûstandina qantinê jî kirine j 15 rojan carekê.

 

'Li ser mevzuata qanûna Tirkiyeyê şîrove berdewam dikin’

 

Ezgiyê di berdewamiya axaftina xwe de  diyar kir ku di pêvajoyeke wiha de  ew nikarin behsa xweseriya dadê bikin û got: "Niha em dizanin ku parlamenter, rojnameger û parêzvanên mafên mirovan bi sûcên mîna" Propagandayên  rêxistinê "," endamên rêxistinê ne "hatine cezakirin û bi van hincetan li girtîgehê ne. DMME’yê di biryara Osman Kavala ya paşîn de ev rewş  aşkera kir. Ev ji hêla dadgehên Tirkiyê ve hate diyarkirin ku serlêdanên girtinê bi "awayê veşartî" bi biryara TMK’ê hatine kirin. Di heman demê de, li ser qanûna Tirkiyeyê şiroveyên  berfireh tên kirin."

 

'Ji bilî rewşeke awarte wê hevdîtin hemû girtî bên kirin'

 

Ezgiyê hevdîtina ku herî dawî bi Fîgen Yûksekdagê re pêk anî ragihand û got:" Cara paşîn di 18'ê Adarê de ez çûm hevdîtinê. Derfeta min hebû ku ez bi birêz Fîgen Yûksekdag û Sebahat Tuncel re hevdîtinek pêk bînim. Lê belê, di çarçoveya tedbîrên ku hatine girtin de, me bi qasî 15 deqeyan hevdîtineke girtî pêk anî.   Piştre, ji hêla rêveberiya girtîgehê ve hate ragihandin ku ji bilî rewşeke awarte wê hevdîtin hemû girtî bê kirin. Kargo hatine sekinandin û kêm zêde tedbîr hatin girtin. Di heman demê de li cihên ku hevdîtin pêk tên dezenfekte hatibûn dayîn."

 

'Mîna hemû girtiyan, rewşa muwekîla min di xeterê de ye'

 

Ezgiyê  hevdîtina ku bi miwekîla xwe Fîgen Yûksekdag re pêk anî vegot û wiha pê de çû: "  Ew ji aliyê rêveberiya girtîgehê ve derbarê vîrusê de hatine agahdarkirin û hin tedbîr hatine girtin, lê li dijî vîrûsê îzalasyon ne pêkan e. Berî her tiştî, hat diyarkirin ku gardiyan  her roj bi ser qawîşan de digirin û lêgerînê pêk tinin. Girtî  mecbûr in ku bi gardiyanan  re têkilî daynin; dema ku xwarinê digirin temas çêdibe. Bi birêz Fîgen Yûksekdag re pirsgirêkên tenduristiyê tunebûn. Wî diyar kir ku ew ji girtiyên nexweş durin û ji rewşa wan bi fikar in. Ji bilî vê; Wek herdem moralê wê li cih bû. Hat ragihandin ku li gel vê pêvajoyê  ji her 15 rojan carekê li kantînê danûstandinê pêk tinin. Tê gotin ku li kantînê  xurek  kolonya,maske amûrên paqijiyê  pir biha û giran in."

 

'Ji dosyaya ku tê de guman jî nine 3 salin girtiye'

 

Ezgiyê bi domdarî  bal kişand ser dosaya ku  Fîgen Yûksekdag û Selahattîn Demîrtaş jê tên darizandin û wiha got:" Di vê dosyaya dozgeriyê de, birêz Figen Yûksekdag û birêz Selahaddin Demîrtaş ne di bin gumanê de ne. Lêbelê, biryara girtina duyemîn ji hêla Dadgeha Cezayê Giran a 1'emîn ve hate derxistin. Bi gotinek din, muwekîla me Fîgen Yûksekdag bêsedem 3 sal in li girtîgehê  ye.  Ew ê çi tevlî dosyayê bikin nizanin lê em ê jî bi amadekarî û hewlêdanên xwe yên hiqûqî tevlî iddanamayê bibin. Em ji pirsên ku ji muwekîlê me birêz Selahaddîn Demirtaş re di dema dabînkirina duyemîn de hatî girtin fêm dikin ku her du rûpel bi hev ve ne. Ji ber ku di dosyaya dozgeriyê de hîn biryara nepenîtiyê heye, em nikarin dosyayê lêkolîn bikin. Me ev yek radestî Dadgeha Cezayê Giran a 16'emîn a Enqerê kir û ji Serdozgera Giştî ya Komarê ya Enqerê xwest ku dosyayê ji bo lêkolînê bixwazin.  Dadgehê daxwaza me pejirand û ji dozger xwest dosya yê bide. Lê, dozgerê dadgehê diyar kir ku ew ê dosyayê nede ji ber ku di dosyayê de fermannameyek nepenî heye. Ev sûcek e.  Em dikarin bibêjin dosya bi vî awayî dizin. Dozger biryara dadgehê tevnagere  û naveroka dosyayê û gotinên dozgeriyê ne heman in."

 

'Encameke neyînî derbikeve wê girse jî bı bandor bibe'

 

Ezgiyê  di dawiya axaftina xwe de anî zanîn ku ji bo berdana muwekila wan Fîgen Yûksekdag wan îtîraz kir lê 22'yê Nîsanê de ev îtîraza wan hat redkirin û wiha bi dawî kir:" Fikreke siyasî ya muwekîlê me Fîgen Yûksekdag a ku girseya ku ew temsîl dike jî heye û bandora wê li ser vê girseyê heye.  Vîrus bi rengek pêkane û bêkêmanî li girtîgehan belav dibe; Her wiha me teqez kir ku ev rewş dê ne tenê encamên neyînî ji bo muwekîla me pêk bîne, ew ê bandora xwe li ser girseya ku ew temsîl dike jî bike. Dadgeha Alîkariyê ya 16'emîn a Enqereyê diyar kir ku di destê wan de tu delîl an berpisyarên serbestberdana wê tüne ne û ew daxwaza me red kir. Li dijî vê redkirinê me serî li dadgehek bilind da. Dadgeha Cezayê Giran a 17'emîn a Enqerê di 22'yê Nîsanê de bi hinceta ku girtina wê hiqûqî ye îtiraza me red kir."