ANQARA- Goreyê raporî yê “Karnameyê Azadîya Çapemenîye ya 2024î: “Anatomîya Bêvengkerdişê Raştîye” ya Zeynep Oduncu Kutevî hadre kerd, netîceyê hêrişê dewleta tirkan de bi pêroyî 5 rojnamegeran dinyaya xo bedelnayê, 112 rojnamegerî ameyê destbendkerdiş û 26 rojnameger zî ameyê tepiştiş.

 

Wekîla DEM Partîye ya Êlihî Zeynep Oduncu Kutevî heqê teda û hêrişê serra 2024î de verba rojnamegeran û meslegê rojnamegerîye de ameyê kerdiş bi nameyê “Karnameyê Azadîya Çapemenîye ya 2024î: “Anatomîya Bêvengkerdişê Raştîye” rapor hadre kerd.

 

Rapor de Zeynep Oduncu Kutevî da zanayiş ke azadîya çapemenîye Tirkîya de bi destê îqtîdarê AKPyî ameyo dormekerdiş, îqtîdarî hewl da rojnamegeran bêveng bikero, bi hedefgirewtişê rojnamegeran ra tena rojnamegerî nê, heqê girewtişê malûmatî yê raştî ya şarî zî hedef ame girewtiş.

 

Dewamê raporî de teda û binpaykerdişê mabêne 1ê çele û 31ê kanûna 2024î de verba rojnamegeran ameyo kerdiş, wina ameyê rêzkerdiş:

 

“*5 rojnamegerî dinyaya xo bedelnayî.

 

* 112 rojnamegerî ameyê destbendkerdiş.

 

* 26 rojnamegerî ameyê tepiştiş.

 

* Derheqê 60 rojnamegeran de cipersayîş dîyayî destpêkerdiş.

 

* 33 dewayê neweyî ameyî akerdiş.

 

* 872 rojnamegerî ameyî muhakemekerdiş.

 

* 58 rojnamgeran rê bi pêroyî 135 serre û 7 aşmî û 28 rojî cezaya zîndanî ame dayîş.

 

* 261 hezar û 820 TL cezaya pereyan ameye birnayiş.

 

* 240 rey raştê tehdîd, hêriş û astengkerdişî ameyî.

 

* Dewaya tazmînatî ya bi waştişê 5 milyon û 500 hezar TLî ameye akerdiş.”