MERKEZÊ XEBERAN - Wargehê Mexmûrî bi serkêşîya rojnamegerê cinî, girewtişê Kampanyaya Gizîngî Berbeyan ame şermezarkerdiş û wina ame vatiş: "Yê ke tewr zêde raştî niminenê û rîyê tarî eşkera kenê zî rojnameger ê. Nê semedî ra hêrişê hemverê Şîrketê Gizîngî Berbeyan, hêrişê hemverê heqîqetî yo.”

 

Serkêşîya rojnemegeranê cinîyan de, endamê sazgehî yê xoserî yê Wargehê Multecîyan ê Şehîd Rustem Cûdî (Mexmûr) hemverê girewtişê sazgehê xoserî yê bajarê Başûrê Kurdistanî yê Silêmanîye eşkerayîyêke ame dayîş. Eşkerayîye verê Sazgehê Keyeyê Şehîdan ê Mexmûrî bi deqeyêk rêzgirewtişî ameye dayîş.

 

Eşkerayîye hetê Rojnamegere Mizgîn Kara ra ameye wendiş de, nê çî ameyî vatiş;

 

“Têkoşîn û xoverdayîşê cinîyê kurdî yê temamê dinya de bîyo nimûneyê cuye û cinîya azade, Başûrê Kurdistanî rastê sergirewtişî, astengî û qedexekerdişî yenê. Peynîya serra 2024ine ke hêvîya temamê şarê Kurdistanî û bi taybetî yê cinîyê kurdî, azadî û bi peynîkerdişê şîdetî cinîyan ser bo, bajarê Silêmanîye sazgehê cinî bi sereştişê qanûnî nîyo la rî bi rî mendî.

 

Seke cinîyê rojnamegerî yê Mexmûrî zî ma do kîşte meslegdaranê xo bibê. Heta betalkerdişê nê qerarî ma do têkoşînê xo dewam bikerê. Serê rêça hevalanê xo yê şehîdan Gurbetellî, Denîze, Nûjiyane, Gulîstane, Hêroye û Cîhane ma do taqîbkerdoxê heqîqetî bê.

 

Tewr peyîn ma reyke bîn hêrişê neqlkerdişî ser û sazgehê cinîyan şermezar kenê û vanê: ‘Ma do bêveng nêbê û nêrê bêveng kerdiş. Taqîbkerdoxê heqîqetî do dewam bikero.”

 

Eşkerayîye bi sloganê "Jin Jiyan Azadî" û "Bê Serok jiyan nabe" peynî bî.