Melek Avci

 

ANQARA- Heyetê DEM Partîye ke 28ê kanûne pêvînayîşê xo yê Îmralîye kerdibî derheqê ci de, dormeyê sîyasîyan de pêvînayîşan bikero. Heyet ewro do Numan Kurtulmuş û Devlet Bahçelîyî de ronişo.

 

28ê kanûne de DEM Partî ra heyeto ke Pervîne Buldan û Sirri Sureyya Onderî ra yeno pê Îmrali de Rayberê PKK Abdullah Öcalanî de pêvînayîş kerdbi. DEM Partî da zanayene ke heyet derheqê pêvînayîşê xo yê bi Rayberê PKK Abdullah Öcalanî de, dormeyê sîyasîyan de pêvînayîşan bikero.

 

Zîyareto ewilî do Numan Kurtulmuşî dir bibo

 

Heyet, tewr verên derheqê pêvînayîşê Îmraliyî de  

 

Hemserekê Pêroyî yê DEM Partîye Tulay Hatîmogullari û Tuncer Bakirhanî agahdar kerd.

 

Sîyasetmedaro kurd Ahmet Turk ke do tewrê pêvînayîşî bibo, tewr verên Serekê Meclîsî Numan Kurtulmuş û Serekê MHP’yî Devlet Bahçelîyî reyde do bêro têhet.

Heyeto ke bi Pervîn Buldan, Sirri Sureya Onder û Ahmet Turkî pê yeno; badê ke partîyanê meclîsî dir bêro têhet, dima ra do sendîkayan, rêxistinanê kede û dezgehan dir bêro têhet.

 

Derheqê pêvînayîşê Îmraloyî ser o nê zîyaretan de fikr û pêşnîyazî do bêrê girewtene û dima agahîyî do bêrê dayene rayaumûmîye.

 

Programo ke 2yê çele roja panşeme zelal bîyo zîyaretî do wina bê:

 

13:30 – Serekê Meclîsî Numan Kurtulmuş 

 

Ca: Meclîs 

 

15:00 – Serekê Pêroyî yê MHPyî Devlet Bahçelî 

 

Ca: Meclîs