EDENE - Oktay S.yo Edene de desteştişê cinsî wendekarêke lîseye ya 15 serrî kerd, tepişya. 

 

Keso bi nameyê Oktay S. 7ê teşrîna verêne de Taxa Havûzlûbahçeyî ya qezaya Seyhanî ya Edeneyî de tacîzê cinsî wendekarêke lîseye ya 15 serrî kerd. Hêrişkar, bi qîrayîşê wendekare û waştişê aye yê hetkarî cayê hedîse ra rema. Agahdarkerdişê keyeyî dir Oktay S. destbend bî. Vejîya werte ke seba sûcê sey “îstîsmarê cinsî yê hemverê tutan” û “dizdî” 24 qeydê sûcî yê hêrişkarî midûrîyê polîsan de est o. Hêrişkar dimayê karûbarê mudurîyê polîsan, vetî vernîya dadgehe û ame tepiştiş.