ANTALYA - Tepişteyê Zîndanê Tîpê Syê Antalyayî de yenê tepiştiş, dîyar kerdî ke pêwa vurnayîşê mudûrê zîndanî teda zêde bî û ard ziwan ke “poşmantî” yena ferzkerdiş û seba ke nê çî qebûl nêkenê, teda înan rê yena ferzkerdiş. 

 

Tepişteyê Zîndanê Tîpê Syê Antalyayî yenê tepiştiş, binpaykerdişê heqan ê ci reyde rî bi rî manenê, rayîrê keyeyê xo dir rayaumûmî rê pare kenê. Tepişteyan dîyar kerd ke bi vurnayîşê mudûrê zîndanî yê vernîya aşmêke rêgezî ameyî vurnayîş û heqê înan destê înan ra ameyo girewtiş û wina vatî: “Hûmartişê lingan ser, ma rê yeno ferzkerdiş. Hewte ra reyke yan zî di rey, erzenê qawişanê ma ser û heqaret ma rê yeno kerdiş. Mektubê ma verê çimanê ma de ame dirnayîş û bi vatişê ‘propagandaya rêxistine’ derheqê ma de cipersayîş yeno destpêkerdiş û dewa yenê akerdiş. Ma ra vanê, ‘şima do vajê PKK terorîst o’. Bi vatişê, ‘Kes şima ra nîno veradayîş. Şima do PKKyî ra sey dewlete ewnîyena, biewnê û poşman bibê’ heqê ma  destê ma ra yeno girewtiş. Her serê sibayî binê nameyê cigêrayîşî de dolabê ma yenê vilakerdiş, cilê ma erzenê erd û heqaret ma rê kenê. Hevalê ma Şakîr, 32 serrî yo tepişte yo la seba ke ferzkerdişê poşmantî qebûl nêkeno, nîno veradayîş. Ma derheqê çîyê qewimyenî de venga hîsgêrî pêro rayaumûmî rê  kenê.”