DÎLOK - Ame zanayene ke koxuşê cinîyan yê Zindanê Tîpê L yê Dîlokî, 24 saetî bi sîstemê kamerayan û gardîyanê camêrdan ra yenê taqîbkerdene. Nê ser o keyeyê hepsîyan muracatê ÎHDyî dayî. 

 

Ame zanayîş ke koxuşê cinîyan ê Zindanê Tîpê L yê Dîlokî, bi sîstemê kamerayan yenê taqîbkerdene. Dimayê ke keyeyan muracatê ÎHDyî kerdî, vejîya meydan ke koxuşî bi kamerayan yenê taqîbkerdene. Îdareyê zindanî va ke, sîstemê kamera parçeyêko projeyî yo û xo wina pawit.

 

'Ma 24 saetî hetê camêrdan ra yenê taqîbkerdene' 

 

Hepsîyan wexto ke keyeyê xo dir pêvînayîş kerdî ke, ê sabe ke yenê taqîbkerdene gerre kerdî û seba nê hetê gardîyanê cinîyan ra ameyê derbkerdene. Heto bîn ra hepsîyan dîyar kerdî, gardîyanî vatişê nêweşan înan ra vanê û ciwanêke hepsî zî şîdetî dir rî bi rî verdayî. Cinîyê hepsî vatî: "Ma bi 24 saetan hetê camêrdan ra yenê taqîbkerdene. Coka ma muracatê ÎHDyî kerd."

 

Cinîyê hepsî derb werdî û cezaya dîsîplînî ame dayene

 

Dimayê muracatê îdarekarê ÎHDyî û avûkatan bi îdarekarê zindanî dir pêvînayîş kerdê û înan zî vato, sîstemê kamera parçeyêko projeyî yo û ê nêeşkenê nê bivurnê. Heyetê ÎHDyî zî eynî wextî de vat, 3 hepsîyê cinî hetê gardîyanan ra ameyê derbkerdene û vatî do vera îhlalkerdişê heqan, têkoşînê huqûqî bidê.