MERKEZÊ XEBERAN - Heyetê Wezîran ê Iraqî 3yê Adare sey "Roja Cinîyan ê Neteweyî" îlan kerd.

 

Vizêr Encûmenê Wezîrê Iraqî derheqê pêşnîyazîyê Heyetê Berzî ê Cinîyan seba dîyarkerdişê roja neteweyî ya cinîyanê Iraqî kom bî. Goreyê eşkerayîya Ofîsa Serekwezîrê Iraqî, kombîyayîşê vizêrî yê Cimaetê Wezîrê Iraqî de rewşa welatî û qeza ame destgirewtiş.

 

Sewbîna ame neqlkerdiş ke kombîyayîş de pêşnîyazîyê Heyetê Berzî yê Cinîyan ê seba girîngî dayîşê hêzê cinîyanê Iraqî û paştdayîşê cinîyan pêro wareyan de ame qebûlkerdiş.

 

Goreyê qeraro ke kombîyayîş de ame vînayîş, her serrî 3ê Adare Iraq de sey “Roja Cinîyan ê Neteweyî” yeno pîrozkerdiş.