MERKEZÊ XEBERAN - Roniştoxê Wargehê Mexmûrî seba şermezarkerdişê komployê mîyanneteweyî yê hemverê Rayberê PKKyî Abdullah Ocalanî de vejîyayî meydanan û venga berzkerdişê têkoşînê misogerkerdişî azadîya fîzîkî ya Abdullah Ocalanî kerdî.

 

Roniştoxê Wargehê Multecîyan ê Şehîd Rustem Cudî (Mexmûr) bi armancê şermezarkerdişê 26ine Komployê Mîyanneteweyî yê hemverê Rayberê PKKyî Abdullah Ocalanî yê 9ê teşrîna verêne 1998ine, vejîyayî meydanan û komplo şermezarkerdî. Rayîrşîyayîş de pankartê bi nuşteyê ‘Zorberdişê Komployê 9ê Teşrîna Verêne Mîsogerkerdişî Azadiya Fîzîkî Ya Rayber Apo Yo’ û ‘Têkoşînê hemverê komployê 9ê teşrîna verêne têkoşîno tewr manayîn ê tarîxî yo’ ameyî wedaritiş. Sewbîna sloganê “Biciwîyo Serek Apo”, “Kesêk nêeşkeno roja ma tarî bikero” û “Biciwîyo xoverdayîşê Îmraliyî” ame berzkerdiş.

 

Rayîrşîyayîşê girseyî bi beşdarîya şarî û wendekarê Mexmûrî verê awanîya Sazgehê Keyeyê Şehîdan dest pêkerd û heta merkezê Kultur û Hunerî dewam kerd. Vernîya ke eşkerayî bêro dayîş, seba pakrewanê azadîya Kurdistanî deqeyêk rêze ameye girewtiş. Dimayê rêzgirewtişî Hemserekê dîwanê meclîsê şarî Elî Bilehî eşkerayî da.

 

Eşkerayî de wina ame vatiş: "Ma komployê Mîyanneteweyî yê 9ê teşrîna verêne yê hemverê Rayber Apo şermezar kenê. Vernîya 26 serran temamê hêzê global waştî, şexsê Rayber Apo de şarê kurdî û Têgêrayîşê Azadîye çin bikerê. Hêzê îqtîdarî waştî ke Rojhelata Mîyanên dizaynêk newe bido awankerdiş. La Rayber Apo hemverê nê de planê têkoşînê azadîya kurde awan kerd.