WAN - Walîtîya Wanî wextê 'qedexeyê çalakî û nawnayîşan' ê Wanî yo ke serra 2016î de îlan kerd û hema zî dewam keno seba 15 rojan derg kerd.

 

Walîtîya Wanî 21ê teşrîna peyêna 2016î ra nata rayraşîyayîş, kombîyayîşê çapemenîye, çalakîya roniştişî û akerdişê standan qedexe kerdî. Walîtîye nê qedexeyî reyna kerdî derg.

 

Walîtîye bi eşkerayîyêke pare kerd ke siba û siba ra tepîya heta 15 rojan meydananê akerdeyan de  rayraşîyayîş, kombîyayîşê çapemenîye, çalakîya roniştişî û akerdişê standan, serûberkerdişê kampanyaya îmzayan, vilakerdişê vilawekan qedexe yê.