AMED - Amed de Komeleya Edebîyatkaranê Kurdî ameye awankerdene.

 

Amed de bi amancê piştdayîşê nuştoxan û averberdişê edebîyat û ziwanî, Komeleya Edebîyatkaranê Kurdî ameye awankerdene. Walîyê Amedî, muracatê komeleyî qebûl kerd û hemsereka komeleye zî Sûltan Yaraye û Hogir Berbir o.

 

Hemsereka komeleye Sûltan Yaraye, arde ziwan ke badê ke Komeleya Nuştoxê kurdî bi KHK ame girewtene, vengîyêk virazyayo û seba nê komele awan kerdê. Sûltane, da zanayîş ke do komele bi lehçeyê kurmancî, kirmanckî û soranî xebatê xo bikerê û do çarçeweya xebatan de atolyeyan, panel, semîner û konferansan zî organîze bikerê. Eynî wextî de Sûltane, dîyar kerde ke amancêko komeleya zî piştdayîşê nuştox û naskerdene berardişanê înan o.