MÊRDÎN - Egît Şaşmazo ke Nisêbîn de cinîya bi nameyê B.Y bi merdiş tehdîd kerd û tecawiz kerd, bê tepişnaye yeno hukmkerdene.

 

Qezaya Nisêbînî ya Mêrdînî de camêrdo bi nameyê Egît Şaşmaz, bi tehdîdê merdişî tecawizê cinîya bi nameyê B.Y ya 19 serrî kerdib. Derheqê hedîse de Egît Şaşmazî Yewîn Dadgeha Cezaya Giran ya Mêrdînî de yeno û pêwa heme îfade û gerrekerdene serbest yeno hukmkerdene.

 

Bi talîmatê yewin Dadgeha Cezaya Giran ya Mêrdînî, hetê Yewin Dadgeha Cezaya Asliyeyî ra îfadeyê B.Y ame girewtene û B.Y îfadeyê xo de dîyar kerd ke Egît Şaşmazî hem serê çapemenîya komelî û hem zî hetê fîzîkî de aye bi mengan tacîz kerdo. B.Y dîyar kerde ke gumanbar hem aye hem zî keyeyê aye bi merg tehdîd kerdo û roja hedîse ameya ciwîyayîş Agît bi sîleh vejîyayo vera aye û tehdîdê ‘eke ti mi dir nêrê, ez o birayê to bikşî’ kerd.

 

'Ti vernê nîya û ti do peynî zî nêbê'

 

Îfadeyan de ame dîyarkerdene ke Agît, B.Y bi zor esparê wesayît kerdo û vato ‘ti vernê nîya ti do peynî zî nêbê’ û pêwa heme îfadeyan Egît Şaşmaz teber de yo. Ame zanayîş ke Egît Şaşmaz 2015an de zî sûcê hêrişê bi kardî ameyo tepiştene, la reyna serbest ameyo veradayene.

 

Roniştişê dewaya Yewin Dadgeha Cezaya Mêrdînî 12ê Adare de do bêro vînayene.