MÊRDÎN - Hemşaredara Nisêbinî Sara Kaya ya ke wezîfeyê ci ame xespkerdene û yena tepiştene derheqê ci de bira ''dewamê rewşa tepiştişî'' ameye dayene.

 

Hemşaredara Nisêbînî ya Mêrdînî Sara Kayaye 13ê çeleyê 2017î de amebi destbendkerdene, tepiştene û herinda ci de qeyûm amebi wezîfedarkerdene. Roniştişo 15. yê dewaya Saraye Mehkema Cezaya Girane ya 14. a Mêrdînî de ame dîyene.  Saraye bi rayîrê SEGBÎSî beşdara mehkeme bîye.

 

Heyetê mehkeme bire daye ke cezaya tepiştişî ya Saraye dewam bikera.

 

Dima Avûkatê Sara Kaya Kamuran Tanhanî pawitiş kerd û vat: "Ma çarçewa AÎHMyî û AÎHSyî de wazenê ke Sara Kaya bêra veradayene."

 

Saraye zî vat: "Ez xo sey sucdar nêhesibnena.''

 

Roniştiş taloqê 6ê adare ame kerdene.