ŞIRNEX - Walîyê Şirnexî seba Hurmuz û Şimonî Dîrîlî ke cinî û camêrdê yewbînan ê û zanayîş înan ra nîno girewtene, dimayê 7 rojan îzahat da û dîyar kerd ke xebata cigêrayîşê dewam keno.

 

Hurmuz (71) û Şimonî Dîrîl (65) yê ke cinî û mêrdeyê yewbînan ê, dewa Mehrî ya ke qezaya Elkê ya Şirnexî rê girêdayeya û 11ê çele ra zanayîş înan ra nîno girewtene. Walîyê Şirnexî dimayê 7 rojan derheqê keyeyî de îzahat da û neql kerd ke herême de bi beşdarbîyayîşê leşkeran de xebatê cigêrayîşî dewam kenê.

  

Lajê keyeyî Remzî Dîrîlo ke Keşeyê Dêrê Keldanî yê Stenbolî yo û derheqê babete de vizêrî Ajansê Mezopotamya rê qisey kerdib û dîyar kerdib ke maye û pîyê aye ameyê remnayene û dozgerî derheqê na babete de cigêrayîş dayo destpêkerdene. Remzî Dîrilî dîyar kerdib ke 5 rojî yo bi piştdayîşê şarê herême xebatê cigêrayîşî dewam kenê.