WAN - Qeyûmo ke tayînê Şaredarîya Bêgirî ame kerdene, Meymanxane û Kitabxaneyê Cinîyan ê Ayşe Şane hetê îdareyê HDPyî ra amebi viraştene û tabelaya ci ardî war.

 

Weçînayîşê 31ê Adara 2019an de Partîya Demokratîkî ya Şaran (HDP) qezaya Bêgirî ya Wanî serkewte bi û şaredarî îdare kerd. Hemşaredarê Bêgirî Leyla Balkane û Yilmaz Şalanî 6ê Kanûna 2019an de ameyî tepiştene. Fermanê Wezaretê Karî Zereyî ra hemşaredarê HDPyî wezîfe ra girewt û Qeymeqamê Bêgirî Erkan Savarî sey qeyûm tayînê şaredarî kerdî. Hemşaredar Yilmaz Şalan 9ê Kanûne de ame tepiştene û Hemşaredar Leyla Balkane zî amî veradayene.

 

Dimayê ke qeyûm tayînê şaredarî ame kerdene, Meymanxane û Kitabxaneyê Cinîyan ê Ayşe Şane ke 11ê teşrîna peyêne de amebi akerde dest bi kar kerd. Endamê HDPyî yê Meclîsê Şaredarîya Bêgirî dîyar kerdî dimayê ke qeyûm ame tayînkerdene xizmetê ke Meymanxane û Kitabxaneyî rê nêameyo kerdene û berê ci xizmet rê ameyo girewtene. Qeyûm bi tepiştişê berî de bi sînor nêmend, tabelaya nameyê Ayşe Şan ke amebi nuştene zî ard war. Awanî nika bêtabela ameya verdayene.