MERKEZÊ XEBERAN - Rojnameyê Fermî de sebebê qerarê padîyayîşê Wikipedia ke sey binpaykerdişê heqan ame ecnayene, ame weşênayene. 1in Mehkemeya Qanûno Sulhî ya Enqere badê ke qerar biresna Komeleya Resnayîş û Teknolojî-Zanayîş do sîte bêra akerdene.

 

Mehkemeya Qanûno Bingeyî (AYM) qerarê padîyayîşê Wikipedia sey binpaykerdişê heqan qebul kerde û Rojnameyê Fermî de sebebê qerarê padîyayîşê Wikipedia ame weşênayene. Dayîşê no qerarî reyde rayîrê akerdişê Wikipediaye abî. Qeraro ke Mehkemeya Qanûno Bingeyî de vîşêrê 6 rayan zafaneyê rayanê pozîtîf girewte, erşawîyaye 1in Mehkemeya Qanûno Sulhî ya Enqere rê. Bado ke dadgeh qerar biresno Komeleya Resnayîş û Teknolojî-Zanayîş do sîte newe ra bêra akerdene.

 

Serra 2017î de ame îdîakerdene ke Wikipedia nuşte û ercnayîşanê ke Tirkîya bi grûbabê terorîstan reyde sey ortax nîşan danî, weşênayo û coka ra ameybî padayene û astengkerdene.