ŞIRNEX - Roniştişê kesanê ke seba merdimanê xo yê qurbananê Roboskî merasîmê yadkerdişî kerdêne ame taloqkerdene.

 

Serra 2015î de 16 kesî seba 34 kesanê ke Qirkerdişê Roboskî de ameyî qetilkerdene merasîmêkê yadkerdişî serûber kerdbi û derheqê înan de semedê nuşteyanê serê pankartan ra bi îdîaya endamîya rêxistine dewa amebî akerdene. 

 

Roniştiş Mehkema Cezaya Girane ya Şirnexî de ame dîyene û Cîhan Encu, Semîre Encu û Fadîle Encu yê ke bi îdîaya ''propagandaya rêxistine'' yenê hukmkerdene beşdarê roniştişî bîyî.

 

Heyetê mehkeme bire daye ke îfadeyê Cahîde Encu û Sozdar Encu bêrê girewtene û kêmasîyê dosya bêrê peydakerdene. Roniştiş taloqê 25ê adare ame kerdene.