MELETÎ - Dimayê 18in Dadgeha Edlîyeya Herêmî ya Dîlokî, cezaya zindanî hemşaredara bajarê girdî ya Amedî ya verê Gultan Kişanake û hemsereka pêroyî ya wextê vîyarteya DBPî Sebahat Tuncele rê amebi birnayene, reyna xira kerd û dewaya înan newe ra amebî vînayene û diyîn roniştişê dewaya înan siba 5in Dadgeha Cezaya Giran ya Meletîyî de bêro vînayene.

 

5’emîn Dadgeha Cezaya Giran ya Meletî, derheqê hemşaredara bajarê gird ya Amedî ya verê Gultan Kişanake û hemsereka pêroyî ya wextê vîyarte ya DBPyî Sebahat Tuncele de bi îdiaya ‘endamîya rêxistine’ û ‘propaganda rêxistine’ ceza dabî û na ceza menga Temuze de hetê Dadgeha îstînafî ra amebî xirakerdene. Heyetê dadgehe, Gultane ‘endamîya rêxistine’ rê 11 serrî û 3 mengî ‘propaganda rêxistene’ rê 3 serrî cezaya zindanî birna bi. Sebahate zî ‘endamîya rêxistine’ rê 9 serrî û 9 mengî û ‘propaganda rêxistine’ rê zî 5 serrî û 3 mengî ceza birna bî.

 

Avûkatê Sebahate û Gultane serê cezayê ke dadgehe birnaya, qerar berdî Dadgeha Îstînafî. 18in Daîreyê Cezaya ya Dadgeha Edlîyeyê Herêmî ya Dîlokî reyna ceza xira kerd. 

 

Diyîn roniştişê dewaya ke ameye xirakerdene, do 13ê Çele de Meletî de 5in Dadgeha Cezaya Giran ya Meletî de bêra vînayene.

Meclîsê Cinîyan ê HDPyî, seba roniştişî vengdayîşê beşdarbîyayîşî kerd.