ÊLIH - Hemsereka HDPyî Pervîne Buldan tewrê kombîyayîşê Weçînayeyanê Cinîyan ê Îdareyanê Herêmanê Demokratîkan bîye û kombîyayîş de tay meselayan ser o qisey kerd.

 

Rêxistinê Partîya Demokratîkî ya Şaran (HDP), dest bi kombîyayîşê Rayberîya Herêmî ya Demokratîk ke mabêne 10-11ê Çele de Êlih de dewam bikero kerd. Roja vernê de cinîyê sîyasetmedaran bi sloganê "Cinîyê Sîyasetmedarî Rayberîya Herêmî de kom bî" Hemsereka Pêroyî ya HDPî Pervîn Buldan, Parlamenterê HDPyî Pero Dundar, Ayşe Acar Başaran, Feleknas Uca û hemsaredarê cinî yê herêmî zî beşdarê kombîyayîşî bî. Reyna temsîlkarê cinîyan û endamê meclîsê şaredarîyê cinîyan amade bî. Kombîyayîş bi rêzgirewtiş dest pêkerd. 

 

'9 çele seba ma girîng o'

 

Kombîyayîş de Pervîne wina vat: "3 cinîyê kurdî Sakîne, Fîdane û Leyla paytextê Fransa Paris de verê çimanê pêro dinya de ameyî qetilkerdene. Nê cinîyî wexto ke Birêz Ocalan reyde pêvînayîşê prosesê çarserîye ameyêne kerdene ameyî qetilkerdene. No qirkerdiş vera haştîye, demokrasî û azadîye derbêka pîle bi.   Ma sey cinîyan awanbîyayîşê HEPî ra HADEPî ra bihêzî ameyî nê rojan. Cinîyan ê rojan ra dima xîret kerd ke hîna bihêzêr û bi pîlêr temsîlîyetê xo bikerê û nê xiretî bîyî wayîrê zaf destkewteyan.

 

'Xespê qeyûman esto'

 

Ma weçînayîşanê 31ê adare de bi weçînayîşê hemşaredaran serkewtişêko pîl vist destî. La îqtîdarê AKPyî şaredarîyê ma xesp kerdî û hemşaredarê ma tepiştî. No zî mojneno ke no îqtîdar cinîyan û xebata înan ra zaf terseno. Ma a partî ya ke bi xoverdayîş û têkoşîn benê zêde."

 

'AKP Kaos, Şer û Krîz Vrazeno'

 

Pervîne dewam de wina vat: "Ma vînenê ke AKP keno ke pêro krîzan bi pêkewtişan çare biko. Erdoganî vat ke 'Înan ez dawetê Lîbya û Sûrîye kerde û ez zî şîya.' Kamî ti dawet kerdî? Qaşo ti şîyî uca ke korîdorê haştîye abikî. La şima şîyî Rojawanî ke korîdorê haştîye çin bikê. Şîyayîşê şima yê uca Tirkîya rê hetê xo de kaos û krîz ard. Sere de krîzê ekonomîkî pêro xeletîyê ke şima kerdî bedelê înan şar dano. Şarê Tirkîya şer nêwazeno, cinîyî şer û pêkewtiş nêwazenê.AKP do şîdetê xo yê vera cinîyan û ma nêqedîno. Ganî ma vera nê şîdetî hîna bihêz bibê. Ê dp dewam bikerê ke hêrişê ma bikerê la ma bi tewirê xo yê qerardarî xîret bikerê ke na seserre bikerê seserra cinîyan."