ŞIRNEX - Qezaya Şirnexî de vejîya meydan ke mudirê wendegehî yê bi nameyê B.K. vera wendekarêke hêrişê zayendî kerdo û vera xebatkarêke zî desteştiş kerdo. Ame zanayene ke B.K. tayînê wendegehêko bîn ameyo kerdene.

 

Vejîya meydan ke Lîseya Şehrî Nuh Îmam Hatîpî ya Şirnexî de, mudirê wendegehî B.K. vera wendekarêk hêrişê zayendî kerdo û vera xebatkarêke zî desteştiş kerdo. Goreyê zanayîşan hedîse ra mengêka û nîm derbaz bîyo û wendekaran hîn mamosteyanê xo ra vato û hedîse eşkera bîyo. Keyeyê wendekare zî seba derheqê sûcdarkerdene B.K. muracat kerdî. Ama zanayene ke dimayê hedîse vejîya meydan, derheqê B.K. de hem tehqîqatê edlî û hem zî îdarî ameyo destpêkerdene û heta nika tehqîqat de tu averşîyayîş çin o. Heto bîn ra dosyaya B.K. rê “qerarê nimtişî” esto, zanayîş zêde nêame girewtene.

 

Versûc tayînê wendegehêko bîn ame kerdene!

 

Eynî wextî de dimayê ke hedîse vejîya meydan, B.K. seba tayînê xo Lîseya Ebulhayr Yusuf Cezerî ya Îmam Xetîpê yê Anadoluyî rê biwazo, Walîtîya Şirnexê rê waştişname eşrawito. La Walîtîye Şirnexî zî seba hedîseyê îstîsmar û tacîzê B.K. sey hetkarê mudirî tayînê Lîseya Anadolu ya Şirnexî kerdo.     

 

Eynî wextî de zanayîşê ke ameyê girewtene zî hûmara hedîseyê îstîsmar û tacîzî beno ke zêdo bibo.