STENBOL - Muracatê pêvînîyaşî yê keyeyê Rayberê PKKyî Abdullah Ocalanî û keyeyanê hîrê tepişteyanê bînan ê ke îmralî de yê reyna ame redkerdene.

 

Muracatê pêvînayîşî yê birayê Rayberê PKKyî Abdullah Ocalanî Mehmet Ocalan û warisê ci Mazlûm Dînçî seba ke bieşkê şirê Îmrali  hetê Serdozgerîya Komare ya Bursa  ra ame redkerdene.

 

Reyna muracatê tepişteyanê Îmralî ra birayê Hamîlî Yildirimî Polat Yildirim, birayê Omer Hayrî Konarî Emîn Konar û waya Veysî Aktaşî Melîhe Çetîn û  kênaya ci Eyleme Çetîn bi rayîrê avûkatan amebi kerdene o zî ame redkerdene. Sebebê redkerdişê muracatan ê hetê dozgerîye zî madeyê “sînorkerdişê derheqê tewqîfkerdeyan de” ame ramotene.

 

Avûkatanê Abdullah Ocalanî Newroz Uysal û Rezan Sarica badê 8 serran 2ê Gulane, 22ê Gulane, 12ê Hezîrane, 18ê Hezîrane û tewr peynî zî 7ê Tebaxe de Abdullah Ocalanî reyde pêvînayîş pê ardbî. 

 

7ê Tebaxe ra nata destûr nîno dayene ke avûkatê Abdullah Ocalanî şêrî Îmrali û tu hawayî cewab nêdîyeno seba muracatanê pêvînayîşî yê avûkatan.