Endonezya de laser: 23 kesî cuya xo vindî kerdî
- 15:47 2 Çele 2020
- NAROJANE
MERKEZÊ XEBERAN - Paytextê Cakartaye de varayîşê varano zêde vera erd şeqitîya û laser virazîya.
Paytextê Cakartaye de varayîşê varano zêde vera erd şeqitîya û laser virazîya. Hedîse de tewr tay 23 kesî cuya xo vindî kerdî.
Goreyê selahîyetdaran varayîşo zêde ke dekewtişê saetanê serra newe de varîya vera 23 kesî cuya xo vindî kerdî. Bîlançoya verên de ameybi eşkerakerdene ke 9 kesan cuya xo vindî kerdî.
Laser vera tewr tay 30 hezar kesî mecbur mendî ke keyeyanê xo biteriknî. Hedîse de xeylê herêmanê Cakartaye de cereyan birîya. Cakarta û dormeyê ci de nizdîyê 30 mîlyon merdimî estî.
Tewr peynî Cakartaye serra 2017î de reyna laser weriştbî û nizdîyê 50 kesan cuya xo vindî kerdbi.
