AMED - Polîsan bi wesayîtanê zirxinan banê HDPyî yê Amedî girewto binê ablûqa hemwelatijo bi nameyê Cîhan Can bi eciqnayîşî qetil kerd.

 

Amed de wesayîtêko zirxin ê polîsan ke 20ê teşrîna peyêna 2018î ranata banê Partîya Demokratîke ya Şaran (HDP) girewto binê ablûqa, Cîhan Cano ke muhendîsê înşaatî yo (30) bi eciqnayîş qetil kerd.

 

Dimenê mobese yê ke kewtî destî de yeno vînayene ke Cîhan xeylêk wext binê wesayîtî de maneno û rixmo ke polîsan û dîyo ke o binê wesayît de yo ê nêvendenê. Der û dorê ra hemwelatijî polîsan hîşar kenê û înan danê vindarnayene.  Cîhanî cayê qewîmîyayîşî de cuya xo vînî kerde. Cîhanî seba otopsî ame berdene Nêweşxaneyê Dewlete yê Selahattîn Eyyubî. Nêweşxane hetê polîsan ra gerîya binê ablûqa. Keyeyê Cîhanî û parlamenter û îdarekarê HDPyî yê bajarî  şîyî nêweşxane. Yeno pawetene ke dimayê otopsî Cîhanî do Goristanê Yenîkoyî de bêro definkerdene.