STENBOL- Keyeyê Rayberê PKKyî Abdullah Ocalanî û keyeyanê hîrê tepişteyanê bînan ê ke îmralî de yê seba pêvînayîşî muracat kerdî

Birayê Rayberê PKKyî Abdullah Ocalanî Mehmet Ocalan û warisê ci Mazlûm Dînçî seba ke bieşkê şirê Îmrali muracatê Serdozgerîya Komare ya Bursa kerdî.

 

Tepişteyanê Îmralî ra birayê Hamîlî Yildirimî Polat Yildirim, birayê Omer Hayrî Konarî Emîn Konar û waya Veysî Aktaşî Melîhe Çetîne û kênaya ci Eylem Çetîne bi rayîrê avûkatan muracatê pêvînayîşî kerd.

 

Avûkatanê Abdullah Ocalanî Newroz Uysal û Rezan Sarica badê 8 serran 2ê Gulane, 22ê Gulane, 12ê Hezîrane, 18ê Hezîrane û tewr peynî zî 7ê Tebaxe de Abdullah Ocalanî reyde pêvînayîş pê ardbî.

 

7ê Tebaxe ra nata destûr nîno dayene ke avûkatê Abdullah Ocalanî şêrî Îmrali û tu hawayî cewab nêdîyeno seba muracatanê pêvînayîşî yê avûkatan. 12ê tebaxe ra nata muracatê keyeyan yenê redkerdene.