MÊRDÎN - Cinîya bi nameyê Ronahî Sirdaşe 2 serrî verê ameye tepiştene û netîceyê îfadeyê 4 kesan de bi sûcdarîyê ‘endamîya rêxistine’ îdianame ame amadekerdene û pêwa ke 4 şahidan va ‘ma bi zorê polîsan îfade dayo û nas nêkenê' zî dadgehe 12 serrî ceza Ronahî rê burna.

 

Qezaya Nisêbînê Mêrdînî de 2017an de Ronahî Sirdaşe ameye tepiştene û çarçeweya tehqîqatî de îfadeyê 4 şahidan ame girewtene. Pêwa ke şahidan îfadeyê xo peyser girewtî zî Ronahî bi îdiayê ‘endamîya rêxistine’ 12 serrî ceza amî birnayene.

 

Îfadeyê şahid S.T yî sey ‘mi bi zorê polîsan îfade da, ez şexs nas nêkena’ îdianemeyî de ca girewt. Ronahî zindanê Tîpa E yê Mêrdînî de tepişnayeya û hewteyê vîyarte de roniştişê aye 4in Dadgeha Cezaya Giran ya Mêrdînî de amî vînayene û seba aye 12 serrî ceza amî birnayene.

 

Îdianame hetê 4in Dadgeha Cezaya Giran ya Mêrdînî ra ame qebulkerdene ra dima, 7 roniştiş ame kerdene û şahidê ke îfadeyê înan ameybî girewtene, yew zî nêvetî dadgehe û îfadeyê înan nêgirewtî. Nê prosesî de pêwa ke ame waştene îfadeyê înan newe ra bêro girewtene zî, şahid S.T vat ke, ‘Mi bi zorê polîsan îfade da. Ez na şexse nas nêkena.’

 

Avûkatan da zanayîş ke îfadeyê ke ameyê dayene nêkerdê dewa. Avûkatî derheqê Ronahî de waştişê beratî kerd. Mercîyê dadgehe derheqê Ronahî de 12 serrî ceza birna û dimayê ke qerar ame girewtiş ra dima, avûkatî do qerar berê dadgeha îstînafî.