AMED - Baroyê Amedî reaksîyon vera destbendkerdene Hemşaredara Sûrî Fîlîz Buluttekîne da û vat: “Ma nê caardişê bêhûqûqî yê îradeyê şarî çin hesibnenê qebûl nêkenê” 

 

Baroyê Amedî bi îzahatêko nuşteyî reaksîyon ramojnayî destbendkerdene Hemşaredara Sûrî ya Amedî Fîlîz Buluttekîne da. Baroyê Amedî wina vat: "Ma nê caardişanê bêhuqûqî yê îradeyê şarî çin hesibnenê qebûl nêkenê. Ganî serekê şaredarîyan yê destbendkerdeyî serbest bêrê veradayene û ma wazenê ageyrê serê wezîfeyê xo.” Baroyî da zanayîş ke goreyê neqlkerdene avûkatê Fîlîz Buluttekîne, Sertaç Buluttekînî; sereştişê keyeyî de polîsan miwekîlê ci Fîlîz Buluttekîne, mêrdeyê aye û lajê aye 10 serre serê erdî de derg kerdê û çek kerdê sereyê înan.