EDENE / MELETÎ - Edene û Meletî de polîsan eşt serê xeylêk keyan û 8 kesî destbend kerdî.

 

Polîsan, Edene û Meletî de serê fermanê Dozgera Komara ya Edeneyî de eşt serê xeylêk keyan û 8 kesan destbend kerdî. Polîsan Taxa Selahattin Eyyubî ya qezaya Yuregirî ya Edeneyî de eşt serê keyeyê Ferhat Sezginî û Ferhatî destbend kerdî. Polîsan xeylêk kitabê Ferhat zî desteser kerdî û înan berdî Mudurîyê Polîsan ya Edeneyî. 

 

Meletî de zî destbend kerdî

 

Polîsan Meletî de zî eşt serê keyeyan û Hemsereka ESPî ya Meletî ya verê Ayşe Işik, îdareyê Komeleya kulturê Pîr Sultan Abdal (PSKD) Sayime Tuncel, Hatice Zengîn û namzeda parlamentera ya HDPyî ya verê Betul Kûrnaz Kiliç û endamê HDPyî Gule Dogan, Reyhan Bakir û Hatun Aydin destbend kerdî. Kesê ke destbend kerdî berdî Mudurîyê Polîsan ê Meletî.