MÊRDÎN - Zindanê Tîpê E yê Mêrdînî de 2017an de vejîya meydan ke 7 domanê hepsî, domanê ke bîn vernê de derb kerdê û dima ra zî îstîsmaro zayendî vera ci kerdê.

 

Ame zanayîş ke Zindanê Tîpê E yê Mêrdînî de 2017an de 7 domanê hepsî, domanêko bîn vernê de derb kerdê û dima ra zî îstîsmaro zayendî vera ci kerdê. Dewaya îstîmlakakerdene ameye akerdene de, çarçeweya tehqîqatî de Serdozgerîya Komare ya Mêrdînî de îdianame amade kerd.

 

Di serrî dima îdiname ame amadekerdene

 

Hedîse 2017an de ame ciwîyayîş û dimayê ke domano mexdûr hedîse îdareyî ra va, dewaya îstîmlakî ameye akerdene û dimayê îfadeyê ameyî girewtiş de zî îdianame aşma vîyarte de ameye amadekerdene. Îdianame hetê Yewin Dadgeha Cezaya Giran ya Mêrdînî ra amî qebûlkerdene. Îdianameyî de îfadeyê 7 domanê ke sûc kerdê, domanê bîn yê koxuşe û domano ke rastê îstîsmaro zayendî ameyo, ca girewt. Domanê ke gumanbar bî sûcê xo qebûl nêkerdî û domanî koguşê bîn îstîsmar piştrast kerdî.

 

Roniştişo bîn 13ê sibate de yo

 

Bi sifatê Dadgeha Cezaya Giran ya Domanan, muhakemeyê Yewin Dadgeha Cezaya Giran ya Mêrdînî de ame kerdene û heta nika di roniştişî ameyî kerdene. Dimayê îstîsmarê domanan her yew eşrawitî zindanê bînan û îfadeyê domanan dadgeh de bi SEGBÎSî ame girewtene. Roniştişê bîn yê dewa 13ê Sibata 2020an de do bêro vînayene.