MÊRDÎN - Qezaya Artuklu ya Mêrdînî de liseyêke de mudirê wendegehî, kewt dersê mamosteya cinî û mobîng serê aye de kerd. Mudirê wendegehî bi sebebê ‘lingê xo eşta serê yewbînan’ bi îdiayê ‘goş nêdaya talîmat’ derheqê mamosteye de tehqîqato îdarî dîya destpêkerdene.

 

Qezaya Artuklu ya Mêrdînî de ame zanayene ke mamosteyêka cinî rastê mobîngê mudurê wendegehî M.O ameya. Mudir bi sebebê ke wexto ke kewto derse mamosteya cinî lingê xo eşta serê yewbînan, veng dayo mamosteye û vato, ‘Ti mecbur a vera nê sazgehî rêzdar bi’ û bi îdiayê ‘to goş nêdayo talîmat’ tehqîqatê îdarî ci rê akerd.

 

'Ganî ti vera mi rêzdar biba'

 

Goreyê zanayîşê Şubeyê Egîtîm Senî yê Mêrdînî ra ameyo girewtene, mudir wextê derse de seba ke sinife kontrol bikero, keweno sinife û dimayê ke mamostaya cinî nêwirzena, o zî mamosteye ra vano, ‘ti eşkena bira odaya mi.' Mamosteya ke şina verê Mudir rastê vatene mudirî sey, ‘Ti eşkena mi ra hez nêkerê. La ti mecbur a vera nê sazgehî rêzdar biba. Wexto ke ez yena, ganî ti wirzê serê lingan." Mamosta zî reaksîyon vera rewşe da.