WAN - Hemsereka Erdîşî Yildiz Çetine dimayê tayînkerdene qeyûm amîbî destbendkerdene û dima ra amîbî tepiştiş. Yildiza ke Zindanê Wanî ra surgunê Zindanê Girewteyê Tîpê T yê Osmanîye b, dîyar kerde ke kelepçeyê çep aye ser o ameyo ferzkerdene û bi heqaretê leşkeran dir rî bi rı menda. 

 

Weçînayîşê herêmî yê 31ê Adare de sera 49,1 Yildiz Çetine bî hemsereka Şaredarîya Erdîşî. Pêwa deynê bi milyonan ê qeyûm pey xo verdabî, Yildize xeylêk proje kerd dewre. 15ê teşrîna verêne de Yildize amî destbendkerdene û 22yê teşrîna verêne de ameye tepiştene. Eynî wextî de 11ê Kanûna 2019an de bê zanayîşê avûkat û keyeyî Yildize Zindanê Wanî ra surgûnê Zindanê Girewteyê Tîpê T yê Osmanîye amî kerdene.

 

Di rojî bi kelepçeyê verpay rî bî rî menda

 

Yildize bi pêvînayîşê telefonê bi embaza xo dir kerde, da zanayîş ke wextê surgunî de di rojî bi kelepçeyê verpay dir rî bi rî menda û eynî wextî de leşkeran aye rê heqaret kerdo.