MEXMÛR - Wargehê Multecîyan ê Şehîd Rustem Cûdî (Mexmûr) dewreyêka perwerdeyî serê nameyê şehîd pîroz Mawa ke 35 delegeyan yena meydan û do 20 rojan dewam bikero, seba cinîyan ame dest pêkerdene.

 

Wargehê Mexmûrî dewreyêka perwerdeyî serê nameyê şehîd pîroz Mawa ke 35 delegeyan ameya meydan û do 20 rojan dewam bikero, seba cinîyan ame dest pêkerdene. Qiseykerdişê akerdişî hetê Mamostaya Akademîye Elîf Colemêrge ra ame kerdene. Perwerdeyî de serê girîngîyê rolê cinîyan de ame vindarnayene.

 

Mamostaya Akademîye Elîf Colemêrge destpêk de dewreya perwerdeyî ya şehîd Pîroz Mawa temamê delegeyê perwerdeyî pîroz kerde û wina vat: "Qasê nan, awe û helmê merdimî, perwerde seba merdimî lazim o. Perwerde xemilnayîşê merdimî bi xo yo. No perwerde seba pêro beşê komelî yan zî sey girewtişê nefesêke lazim o. Eke komelêko nêzan bo, no zî kêmîyê perwerde ra yeno. Reyna dewreya perwerdeyî temamê delegeyan pîroz kena.”

 

Dimayê qiseykerdişê perwerdeyî, dersê ke bêrê dayene cinîyan rê ame qalîkerdene û dersê ke bêrê dayene wina yê: Giringîyê perwerdeyî, Rastîyê Rayberê PKKyî Abdullah Ocalan, Jîneolojî, Dinya de cinîyê Şorişgêr, Mîyanê rêxistinê PKKyî de tarîxê cinîyan, Neteweyê Demokratîk, Şero Taybet, Psîkolojîyê komek û keyeyî, Anatomîyê cinîyan.