MERKEZÊ XEBERAN - Vakurê Zelandaya Newe de volkanê bi nameyê Whîte Island teqîya û tewr tay 5 kesî merdî.

 

Vakurê Zelandaya Newe de volkano aktîf Whîte Island goreyê saetê herêmî saet 14.00î de kewt faalîyet. Vakurê Zelandaya Newe de volkanê bi nameyê Whîte Island teqîya û ame zanayene ke tewr tay 5 kesî cuya xo vindî kerdî. 

 

Serekwezîr Jacînda Ardern derheqê qewimîyayîşî de Wellîngtonî de eşkerayîyêke da û eşkerayîye de dîyar kerd ke wexto ke volkan teqayo xeylê turîstî girawe de estbî û înan şopê tay turîstan vindî kerdî. Ardern da zanayene ke badê teqayîşê volkanî ekîbê weşî û yê polîsan dest bi operasyonê xelisnayîşî kerdî, labelê şert û mercê hewayî tesîrêko xirab operasyonê xelisnayîşî ser de viraşt.

 

Polîsan zî dîyar kerdî ke wexto ke volqan teqayo girawe de nizdîyê 50 kesî estbî. Ajansê rayîrberîya neteweyî yê rewşa acîl zî dîyar kerd ke teqayîşê volkanî dûrî ra zî asîyayo. 

Se ra 70ê volkano aktîf Whîte Islandî binê awe de mend û Zelandaya Newe de volkano tewr aktîf Whîte Island bî. Her sere nizdîyê 10 hezar turîstî yenî tîya.

Whîte Island tewr peynî serra 2016î de kewtbî faalîyet.