AMED - Dewanê Duger û Alngokoz yê Amedî eştî serê keyeyan û xeylêk kesî ameyî tepiştiş. Dewan kerdê binê abluqa û vejîyayîş û dekewtiş ameyo astengkerdene.

 

Leşkeran serê sibayî saete 05.00î de eşt dewanê pabesteyê qezeyanê Rezan, Peyaz û Çinarî yê Amedî ser û tewr tay 13 kesî tepiştî.

 

Welatîyan derb werd û kutikê keyeyî ame qetilkerdene

 

Leşkeran dewa Kirkalî ya Peyasî de Mahmut Derse, Ahmet Serse, Metîn Çetîn, Firat Çetîn û merkezê Peyasî de zî Abdulkadîr Yagar destbend kerdî. Leşkeran eşt dewa Alankozî ya Rezanî ser zî. Sereştişê dewe de hemwelatîyî Îsmet Yildiz, Hakan Yildiz destbend kerdî. 

 

Leşkeran sereşrişê Dewa Dugerî yê Rezanî de Îsmet Akar, dewa Arvalî ya Rezanî de Mehmet Akyuz, dewa Kabahidirî ya Rezanî de Keya Naîl Toprak, dewa Kiliçkaya ya Rezanî de Abdullah Çîftçî, Îbrahîm Çîftçî û dewa Çakir Tutmazî qezaya Çinarî de zî Abdulkadîr Eken û lajê ey tepiştî.