MERKEZÊ XEBERAN - Leşkeran eşt serê koguşê Zindanê Cinîyan ê Gebzeyî yê Kocaeliyî. Netîceyê koguşan ser o de hacetê hepsîyê cinîyan ame vilakerdene û dest dayî serê kitab û defterê înan û hîn hacetê înan taybet.

 

Vizîr Zindanê Cinîyan ê Gebzeyê Kocaeliyî de leşkeran eşt koguşanê cinîyan ser o. Goreyê ke zanayîş keyeyê hepsîyan ra ame girewtene, vizîr netîceyê sereştişê koguşan de hacetê hepsîyê cinîyan ameyê vilakerdene û dest dayî serê kitab û defter û hîn hacetanê înan yê taybetan.

 

Îhlalkerdişê heqan xeylêke yê

 

Hepsîyê cinî yê ke leşkeran eşt serê koguşê înan de, dîyar kerdî ke teda û şîdetê zindanan dewam kenê û vatî îhlalkerdişê heqan xeylêke yê û her ke şino tewr zêde benê, vera nê zî mudaxele nîno kerdene.