COLEMÊRG - VEDAŞ tewrê cendirmeyanê bimaskeyan eşt dewa Kampa Şûkeyî ya Geverî ser. Netîceyê sereştişê keyeyî de cinîya bi nameyê Fahrîye Gurbuze krîzê zerrî vîyarna û wefat kerde.

 

Ewro hetê serê sibayî de Şîrketê Vilakerdişê Elektrîkî yê Gola Wanî (VEDAŞ) tewrê cendirmeyanê bimaskeyan eşt dewa Kampa Şûkeyî ya Geverî ya Colemêrgî ser. Netîceyê sereştişê keyeyî de cinîya bi nameyê Fahrîye Gurbuza 45 serrî krîzê zerrî vîyarna û wefat kerde.

 

Goreyê xeberanê ke ameyî girewtene ewro hetê serê sibayî saet 05.30î de VEDAŞ bi îdîaya cereyanê qaçax yeno xebetnayene tewrê cendirmeyanê bimaskeyan eşt dewe ser.

Ame zanayene ke cenazeya Fahrîyeye erşawîyaya morgê Nêweşxaneyê Dewlete yê Geverîû badê karê otopsî cenazeya Fahrîyeye Goristanê Kampa Şûkeyî de ameya definkerdene.

 

Ame vatene ke seba ke leşker û qorîcîyî maskeyin bî Fahrîyeye krîz ravêrnaya û cuya xo vindî kerda.