RIHA - Polîsan destur nêdayî ke keyeyê Emîne Aslan Aydogana ke Zîndanê Riha de cuya xo vindî kerde, konê şînî bêro ronayene.

 

Hepsîya bi nameyê Emîne Aslan Aydogana 64 serrî ke Zîndanê Hûmara 2. yê Tîpa Tyî yê Riha tepiştebî, nêweşîya xo ya tumorî ke gurçikanê aye de estbî wedarîyaye Nêweşxaneyê Perwerdeyî û Cigêrayîşî yê Mehmet Akîf Înanî yê Rihayî. Emîneye 16 aşmî tepişteyebî û nêweşxane de cuya xo vindî kerde. Emîneye 10 rojan de 4 reyan ameye amelîyatkerdene. Xebera mergê Emîneye vizêr dîya keyeyê aye. 

 

Keyeyê Emîneye bi îmkananê xo cenaze berd Wêranşarî û defin kerd. Keye waşt ke Qoserî de konê şînî akero. Qeyûmê Şaredarîya Qoserî keyeyê şînî nêda keye. Wexto ke keye waşt Taxa Şahkulubeyî de şîn rono, polîsan destur nêdayî keye. Keyeyê Emîneye astengîyê qeyûm û polîsan vera mecbur mend ke şîn keyeyê xo de rono.