MERKEZÊ XEBERAN - Rojnamegera kurd Firişte Çiraxî hetê hêzê asayîşî yê Îranî ra ameye tepiştene.

 

Hêzê asayîşî yê Îranî eştî keyeyê rojnamegera kurd Firişte Çiraxî ya eyalatê Serpêla Zehawî ya girêdayeyê Kirmanşanî ser. Sereştişê keyeyî de aktîvîst û rojnameger Firişte Çiraxî ameye tepiştene û polîsan aye berdî Kirmanşanî. Rêxistina Heqê Merdiman ya Hengawî derheqê tepiştişê Firişte de malumat da.

 

Goreyê malumatê Rêxistina Heqê Merdiman ya Hengawî rojnamegera kurd Firişte Çiraxî şewa verên hetê hêzê asayîşî yê Îranî ra ameya tepiştene. Ame zanayene ke sebebê tepiştişê Firişteye oyo ke paştî daya çalakîyan. Ame dîyarkerdene ke Firişteye demê erdlerzê Kirmanşanî û Serpêla Zehawê de paştî daya hemwelatijanê mexduran.