MÊRSÎN - Muxabira Ajansê Mezopotamyayî Bêrîvan Altane ke 4 rojî yo destbendkerde ya, wextê tepiştişê aye 4 rojî bîn zî ame dergkerdene.

 

Muxabira Ajansê Mezopotamyayî (MA) Bêrîvan Altane 26ê teşrîna peyêne de çarçeweya qerarê tepişnayîşê ya hetê 3in Dadgeha Cezaya Sulhî ya Mêrsînî ra ame verene, keyeyê xo yê Anqara de amî destbendkerdene. Polîsan dimayê tepiştişî aye berd Mêrsîn. Bêrîvane 4 rojî yo ke Mudurîyetê Polîsan ê Mêrsînî de yena tepiştene. Ame zanayîş ke qerarê dozgerîye ser o, tepiştişê Bêrîvane 4 rojê bîn zî ameyo dergkerdene. 

 

Qerarê, “sînorkerdişê avûkat” ke seba Bêrîvane amebi dayene ame wedaritene.

 

Avûkatê Bêrîvane neql kerdî ke sebebê tepiştişê Bêrîvane nîno zanayene û polîs emnîyet de seba sohbetî veng danê aye û bi tedayê psîkolojîk dir rî bi rî menda.