MÊRDÎN - Seba Şaredarîya Stewrê, Şemrex û Dêrikî yê Mêrdînî rê qeyûm ame tayînkerdene. Hemşaredara Mêrdînî Eylem Amake reaksîyon vera tayînkerdene qeyuman da, dîyar kerde ke tu hetê nê ê huqûqî çin o û va tepiştene û polîtîkayê qeyûm do bi têkoşînê ma veng vejîyê.

 

Hemşaredarê HDPyî yê qezaya Stewrê Gulîstan Oncu, ya Şemrexî Nalan Ozaydin û ê Dêrikî Mulkiye Esmez û 4 xebatkarê şaredarîyê 14ê teşrîna peyêne de ameybî tepiştiş. Hemşaredar û xebatkarê şaredarîye 26ê teşrîna peyêne de sewqê edlîye ameyî kerdene. Hemşaredarî bi sebebê îfadeyê şahidê nimteyan bi îdiaya ‘endamîya rêxistine’ ra ameyî tepiştene.

Hemşaredara HDPyî yê Mêrdînî Eylem Amak dîyar kerde ke bi tepiştişê hemver têkoşîn û sîstemê hemserekîye hêrişêk cidî û çîyê ke ameyê kerdene zî sey 'qirkirdene sîyasî’ şîrove kerde.

 

'Tu hetê ci yê huqûqî çin o'

 

Eyleme da zanayîş ke Mêrdîn de bi tepiştişê peyînan dir pêro şaredarî ameyê xespkerdene û ewil qeyûm tayînê şaredarîya Nisêbînî ameyo kerdene û va: "Tayînkerdene qeyûman û tepiştiş, bêtehemulîyê hemver mozaîkê Mêrdînî nîşan dano. Mêrdîn seba pêro partîyan cayêko stratejîk o û bi operasyonê teberê sînorî yo, no ameyo nuqtayêka girîng. Qeyûm sey awankerdene rejîmî yeno destgirewtene. Na xebate zî planê vindîkerdene xebate yo. Tu hetê huqûqî nê çin o. Bi qeyûman dir wazenê nê tepiştişan meşrû bikerê."

 

'Hemşaredarê ma bi hawayêko bêhuqûq ameyî tepiştene'

 

Eyleme dewam de wina va: “Ma zanê ke wexto ke qeyûm yenê, çira vernê de hêrişê destkewtişê cinîyan kenê. Ma ra tersenê. Sûcdarîyê hemver hemşaredaranê ma, xebatê şaredarî û îfadeyê şahidê nimte yê. Şahidê nimte ke bi serran o meydan de çin ê, nika vejîyayê meydan. Zaf eşkera yo ke hîrê cinî çira ameyê tepiştene. Şaredarîya ma nêmende. Hemşaredarê ma ameyî tepiştiş. Do têkoşînê ma zî dewam bikero. Ma wazenê hemşaredarê ma ganî serbest bêrê veradayene."