MÊRDÎN - Endama Meclîsê Cinîyê Ciwanê Mêrdînî yê HDPyî Sultan Irmake da zanayîş ke do çarçeweya 25ê Teşrîna Peyêne de, 24ê Teşrîna Peyêne de wareyan de bê û vengdayene beşdarbîyayîşê cinîyê ciwanan yê Mêrdînî kerd.

 

Meclîsê Cinîyê Ciwanan yê HDPyî yê Mêrdînî do 24ê Teşrîna Peyêne verê Wargehê wendekarê Kena ê Sazgegê Wargehê Kredîyê (KYK) bêrê têhet û mîtîngêke viraznê. Sultane da zanayîş ke do bi wesîleyê 25ê teşrîna peyêne vera her tewir şîdet û tedayê cinîyan wareyan de bê.

 

Sultane wina dewam kerde: “Ma pêro cinîyê Mêrdînijan mîtîng rê pawenê. Şîdetê serê cinîyan her ke şino zêde beno. Rojê vîyarte de cinîyêke ciwane hetê camêrdêko ra ameye qetilkerdene. Seba nê çî peynî bê, ma têkoşîn kenê. Xebatê ma zî dewam kenê. Do her wext zî dewam bikerê. Ma veng danê pêro cinîyan ke vera hêrişê cinîyan, binê sîwanê cinîyan de kom bibê."

 

'Ma do sere nêtewênê'

 

Sultane wina dewam kerde: "Seba ke ma nê zîhnîyetê serdest ê camêrdan bişkênê, ganî vernê de ma xo û dima ra zî kesê derûdorê xo bikerê wayîrê hişmendî. Seba nê zî ma xebityenê. Bê cinî, ciwîyayîş nêbeno. Nê prosesî de wazenê her wext wareyê ciwîyayîşî teng bikerê. Seba nê tedayî peynî bibê, ma têkoşîn kenê. Seba nê ma tîya yê. Ma qetî sere nêtewênenê."

 

S