MÊRDÎN - Cinîya binameyê Z.N. dimayê ke musa digane ya şî Nexweşxaneyê Taybet ê Îpekyolu yê Qoserî û ultrasyon ra derbaz bî. Dimayê ke ûltrasyonî ra derbaz bî, dimayê ke derbaz bî doktoran dîyar kerd ke pitika pîzeyê aye de merda û gerek aye ra bêro girewtene. Z. ye dîyar kerd ke seba nê operasyonî aye dir pere çin bîyo, coka aye şîya Nêweşxaneyê Dewlete yê Mêrdînî û musaya ke pitika zerrîya aye de ciwîyena. Z. ye arde ziwan ke derheqê nêweşxaneyî de muracatê sûcî kerda. Z. wina va: "Eke serê mi de pere bibayîne, nika pitika mi biameyne kiştene."

 

Z.N. ya ke qezaya Qoserî yê Mêrdînî de ciwîyena, aşma Hezîrane de musa ke digane ya û seba ûltrasyonî ra derbaz bibo, şina Nêweşxaneyê Taybet ê Îpekyolu yê Qoserî. Doktoran aye ra vato ke: "Pitika pîzeyê to de merda, seba ke zirar nêdo gerek bêro girewtene." Z. ye dîyar kerde ke seba nê operasyonî pereyê aye çinî bîyo coka şîya Nêweşxaneyê Dewlete yê Mêrdînî û musaya ke pitike ciwîyena. Z. ye arde ziwan ke do Dadgeha Huqûqî yê Asliye yê Qoserî de muracatê sûcî kerda. 

 

'Eke pereyê mi bibîyayîne pitike mi çin bibîyane'

 

Z.N. wina dewam kerde: "Ma destpêk de şî Ocaga Weşîye ya kuçeyê ma. Dîyar kerdî ke do pitikeka mi bibo. Dima ra ma ra vatî ke şima şêrê nêweşxaneyê taybet do tewr baş biewnê. Wexto ke ez uca de ûltrasyon ra derbaz bîya, mi ra vatî pitika to merda. Seba ke pere mi ra eştî ez şîya Nêweşxaneyê Dewlete û uca de mi ra vatî pitika to ciwîyena. Coka Dadgeha Huqûqî yê Aslîye yê Qoserî de mi muracatê sûc kerd. Ma nê çî qebûl nêkenê. Xeylêk doktor estbî la teşhîsê rast nêdayî. Eke pereyê ma bibîyayîne nika pitika ma çinî bibîyane."