QAMIŞLO - Sazgeh û dezgehê sivîl, bajarê Dêrikî de hemleyêko seba boykotkerdene çî-mîyê dewleta tirkî bi sloganê, “Çî-mîyê dewleta tirkî boykot bikerê” dest pê kerd. Eynî wextî de vilawêkî pêro dikandar û taxê bajarî de ameyî vilakerdene.

 

Bi amancê boykotkerdene çî-mîyê dewleta tirkî sazgeh û dezgehê sivîlan, bajarê Dêrîkî yê girêdayê Kantonê Qamişloyî de dest bi boykot kerdî. Serê nameyê Îdarekara ekonomîye Wefa Elîye qisey kerde û va: "Ewro ma dest bi hemleyêke seba boykotkerdene çî-mîyê dewleta tirkî kenê. Ma biomid ê ke tu kes berardişê dewleta tirkî nêgîro, seba ke bombayê fosforî bi pereyê ma yenê girewtene û ma zî qetil kenê.”

 

Dima ra sazgeh û dezgehê sivîlî kewtî mîyanê bajar û bi sloganê, “Çî-mîyê dewleta tirkî boykot bikerê” vilawêke taxê bajarê Dêrikî û dikandaran vila kerdî.

 

Do hemle biçalakîyê tewir bi tewir dewam bikero.