WAN - Cinîyê Ebaxî ke reaksîyon vera hêrişê Tirkîya yê serê Rojawanî dayî. Cinîyan dîyar kerd ke amancê operasyonan çinkerdişê destkewteyê şarê Kurdî yo û wina vatî: "Tu heqê erdoganî çin o hêrişê Rojawanî bikero. Ganî tu kes vera nê hêrişan bêveng nêmano."

 

Netîceyê hêrîşê deweta tirkî yê serê Vakur û Rojhelatê Sûrîye de bi seyan sivîlan cuya xo vindî kerdî û dîmenê îşkenceyê ke cinîyan rê ameyê kerdene eşkera kerdî û bi nê dîmenan Tirkîya huqûqê şerî îhlal kena. Hetêk ra zî Tirkîya kesê ke vera nê şerê bêhuqûqî vejîyenê zî bi destbendkerdene û tepiştişan dir rî bi rî manenê. Cinîyê Ebaxê Wanî zî reaksîyon vera hêrişê dewleta tirkî yê serê Rojawanî da.

 

'Amancê hêrişê destkewtişê şarê Kurdî yê'

 

Cinîya binameyê Fatma Umdu reaksîyonê xo vera operasyonê serê Rojawan de ramojna û wina va: "Bi baca ke vakur de kurdî danê çek yenê girewtene û nê çekan vera kurdanê Rojawanî xebitnenê. Netîceyê nê hêrişê ke serê şarê Kurdî de yenê kerdene de Tirkîya de krîzê ekonomîye her ke şino pîl beno. Krîzo bîyaye tesîrê xo serê cuya ma dewijan de zî keno. Ma nêeşkenê pîzeyê domananê xo mird bikerê û domananê xo rê cilan bigîrê. Ma nê neheqîyan qebul nêkenê. Amancê dewlata tirkî destkewteşê şarê kurdî yo. Wa nê hêrişî bipeynî û Tirkîya Rojawan ra vejîyo."

 

'Rojawan ê şarê ke ciwîyenê yo'

 

Cinîya bi nameyê Şerbet Demîrkaya zî dîyar kerde ke pêro şeran de cinî û domanî hedef yenê girewtene û wina va: "Rojawan, hêrişê Tirkîya nêkerdo û tu heqê Erdoganî çin o ke herra kurdan îşxal bikero. Herra Rojawanî ya şarê Kurd û şarê bîn ke serê a herre de ciwîyenê yo. Serê sivîlan de bomba yenê varnayene. Heta peynî ma piştdayîşê kurdê Rojawanî yê û ma do înan bipawê."

 

'Ganî ma pîya wayîrê Rojawan vejîyê'

 

Gokgreçîn Demîrkaya zî dîyar kerde ke ganî vera hêrişê serê Rojawan de tu kes bêveng nêmano û qiseykerdişê xo dewam kerde: "Wa êdî dayîkî nêbermê, wa bidomananê xo dir mîyanê aştî û azadîye de biciwîyê."