MÊRDÎN - Şaredarîyê HDPyî yê Stewr, Dêrik û Şemrexî yê ke hetê îqtîdarê AKP-MHPyî ra ameyî xespkerdene de qeyûm ame cakerdene.

 

Mêrdîn de vizêr çarçewa operasyonê qirkerdişê sîyasîyî de Hemşaredara Partîya Demokratîke ya Şaran (HDP) ya Stewrî Gulîstane Oncu, Hemşaredara Şemrexî Nalane Ozaydin û Hemşaredara Dêrikî Mulkîye Esmez ameybî destbendkerdene. Herinda  nê hemşaredaran de qeyûm ame cakerdene. 

 

Hûmara şaredariyê HDPyî yê qayûm ameyê tayînkerdene bi 23.

 

Hemşaredarî Mudurîyê Polîsan ê Mêrdînî de hema zî tepişnayeyê.