MÊRDÎN - Ferha Akbuluta ke bi serran o mîyanê têkoşînê Kurd de ya û hîrê rey ameya tepiştene, bi desan tehqîqat ci rê ameyê akerdene û da zanayîş ke vera tedayan do têkoşînê xo yê heqdar dewam bikerê.

 

Herême de Kurd û cinî her wext hedefê polîtîkayê tedayî de bî. Qezaya Qoserê Mêrdînî Ferha Akbulute 63 serrî, seba têkoşînê demokrasî bi desan rey ameya tepiştiş û tewqîfkerdiş. Ferhane dîyar kerde ke pêwa polîtîkayê lêşîn û tedayan qetî sere nêtewênayê û do rayîrê xo dewam bikero.

 

'3 rey ameya tepiştiş bi desan dosyayê mi estê'

 

Ferhaye wina va: "Bi serran o rayîrê xo yê heqdar de têkoşîn kena. Hîrê rey ameya tepiştiş. 2003, 2007 de û 2010 de ameya tepiştiş. Tewr peyîn dosyayêke endamîya rêxistine amade kerdî û ceza waştî. La dosya kewte. Bi seyan dosyayê ma estê. Nika zî dosyayê cîya amade kenê. Nika 30 tehqîqatê ke mi rê ameyê akerdene estê. Mi xeylêk îşkenceyê fîzîkî û psîkolojî dî.”

 

Ferhaye wina va: "Pêro Kurdî rastê îşkence û tedayan yenê. Ma xeylêk çî dî. La ma çîyêk ra nêtersenê. Me qetî peyser game nêeşt. Ez nika 60 serrî ya, se beno wa bibo, ez do peyser game nêerzî. Ganî tedayê serê Kurdan peynî bê. Tu kes nêeşkeno îradeyê ma bişkino.”