AMED - Seba hemşaredara Karazî Rojda Nazliere 15 serrî cezaya hepisî ameye waştene

 

Tehqîqato ke derheqê hemşaredara Karazî ya Amedî Rojda Nazliera ke 20ê teşrîna verêne de Amed de gîrîyaybî binê nezaretî û dima ra ameybî girewtene de bî, temam bî. 

 

Derheqê Rojdaye de îdîaname ame hazirkerdene û 7 serrî û 6 aşmî ra heta 15 serrî ci rê ceza ame waştene. Îdîanameya ke hetê 11. Mehekemaya Cazaya Girane ya Amedî ra ameya hezirkerdene de, îfadeyanê şahîdanê nimitkîyan bale anite xo ser. 

 

Balkêş o ke Ercan Tucî yo ke bi nasnameyê Zerdeştî û Emrah Budakî yo ke bi nasnameyê Canfeda Agirî êno zanayene ke qanunê poşmanîye rê îstîfade kerdo verê 13 rojan ke Rojdaye bêra têpîştene 8ê teşrîna verêne 2019î de Serdozgerîya Komare ya Amedî de îfade dayo. Reyna dîyar bî ke şahîdêko nimitkî yo bîn demo ke Rojda ameya girewtene îfade dayo. 

 

Newroze û tazîye sey sûc amey dîyene

 

Îdîaname de tewrê newroze bîyayîşê Rojda, şîyayîşê serweşîya Zulkuf Gezenî yo ke demê çalakîya grevê veyşanîye de cuya xo vindî kerde û reyna tewrê programêko ke weçinitişan reyde têkildar o bîyayîşê Roja sey suc amey dîyene.  Ame waştene ke Rojdaye 7 serrî 6 aşaman ra heta 15 serran bêra cezakerdene.